PAPER ZORROA

Kaixo guztioi! Didaktika Orokorreko ikasgaiarekin bukatzen dugunez, blog guztian zehar jorratu ditudan gai guzten inguruko laburpen txiki bat egiteko asmoarekin natorkizue. Beraz, goazen lanari ekitera!

Lehenengo egunetan irakasleak argazki - elkarrizketa bat egitea proposatu zigun, gure haurtzaroko oroitzapenak gogoratzeko eta beste ikaskideekin partekatzeko helburuarekin. Horretarako, etapa horreri dagozkion zenbait argazki aukeratu nituen, eta argazki hauek ikustean gogora etortzen zitzaizkidan oroitzapenak kontatu nituen. Lan honek duen helburuari erreferentzia eginez, uste dut gure etorkizuneko lanean oinarri bat izateko oso garrantzitsua dela gure haur hezkuntzako etapa horretan murgiltzea eta hau oinarri bezala hartzea. Horren ondorioz, nire irakaskuntza ereduan eragina izan dezakeen zerbait dela uste dut.

Ondoren, hezkuntzarekin lotura zuzena duten zenbait irudien inguruko hausnarketak egin genituen.

Argazki hauetan landu genituen gaiak askotarikoak ziren, beste askoren artean: sexismoa, indarkeria, irakasle funtzioak eta irakaslearen rolak. Lan honen helburua, gizartean zer nolako egoeran aurkitzen garen ikustea izan dela esango nuke, eta errealitate honetan oinarrituta, gure etorkizun batean guk hartuko ditugun jarreretarako kontutan izateko baliogarria izan daitekeelakoan nago.

Jarraian, hezkuntzarekin zer ikusia duten esaldi ezberdinen inguruko hausnarketak egin genituen. Hau landu ahal izateko, binaka esaldi desberdinak landu genituen, ondoren, gainontzeko ikaskideekin partekatu ahal izateko, beti ere beraien iritzia entzuteko nahiarekin. Ariketa honen helburua, aurreko ariketaren oso antzekoa da, hau da, gaur egungo errealitateaz ohartzea, eta ikasi dugun hori oinarri gisa harturik, gure etorkizunean praktikara eramatea edo kontutan izatea behintzat.

Bestetik, nire Haur Hezkuntzako etapan oinarrituz, nire eskolako bizipenak eta HEZIBERRIren artean loturak egiten saiatu behar izan nintzen. Horretarako, HEZIBERRIn aipatzen zituzten puntu ezberdinak kontutan harturik, bertan jartzen zuena eta nire eskolako garaian egiten genituen jarduerak edo ikastetxeak zuen jarrera alderatu behar izan genuen. Beraz, ariketa honen helburua, HEZIBERRI ezagutzeaz gain, gure eskolarekin zituen ezberdintasunez ohartzea izan zela esango nuke.

Saio batzuk beranduago, curriculuma zer den landu genuen. Horretarako, Jaume Sarramona Lópezen "Curriculuma" artikulua irakurri genuen, kontzeptu honen inguruan gehiago ezagutzeko. Beraz, curriculumaren definizioa ezagutzeaz gain, irakasle eta ikasleen ikuspuntutik curriculuma zer den jakiteko aukera izan nuen, eta baita Curriculumak dituen oinarriak (izaera filosofikoa, testuinguru soziala, oinarri epistemologikoa, ikaskuntza - irakaskuntzan parte hartzen duten pertsonen ezagutza psikologikoa eta oinarri pedagogikoa). Artikulua hau irakurtzearen helburua oso argia da: Curriculumaren inguruko ezagutza zabalagoa izatea.

Ondoren, ikaskuntza ezberdinen inguruan hitz egiten aritu ginen eta horretarako, globalizazioa eta ikaskuntza esanguratsuak landu genituen. Lehenik eta behin globalizazioari dagokionez, hau definitzeaz gain, honi dagozkion hiru ikaste landu genituen: interesguneak, proiektuak eta ingurugiroaren ikerketa. Ikaskuntza esanguratsuei dagokionez, berriz, hau definitzeaz gain, hau landu ahal izateko dauden metodo ezberdinak aipatu genituen, eta baita teoria hauek irakaskuntza ereduarekin zer nolako lotura duen azaldu genuen.

Beste saio batean, Curriculumaren Zehaztapen Maila ezberdinen eta bere osagaien inguruan hitz egin genuen. Haul landu ahal izateko, taula bat osatu genuen ikasgelan guztion artean, bertan honako datu hauek alderatuz: dokumentua, definizioa, izaera, egilea, baldintzatzaileak, osagarriak eta adibideak.

Jarraitzeko, ikaskuntza - irakaskuntza metodo ezberdinak ezagutzeko, beste bi metodo ezagutu genituen: proiektuetan oinarritutako ikaskuntza eta txokoetan oinarritutako ikaskuntza. Hauek hobeto ezagutu ahal izateko, zenbait adibide ikusi ondoren, zenbait kontzeptu landu genituen, besteak beste: nola landu, parte hartzaile bakoitzaren egin beharra zein den, denbora, espazioaren eta materialaren erabilera eta jarduerak.

Beranduago, lehen aipatutako bi metodologiez gain (txokoetan oinarritutako ikaskuntza eta proiektuetan oinarritutako ikaskuntza), beste bi landu genituen: tailerrak eta Decroly (interesguneak). Eta hauek hobeto  ezagutzeko ere, lehenago aipatutako kontzeptuak hartu genituen kontuan: nola landu, parte hartzaileen rola, denbora, espazioaren erabilera eta ebaluazioa.

Azkenik, Didaktika Orokorreko arloarekin bukatzeko burutu genuen azken jarduera, taldeka Unitate Didaktikoa sortzea izan zen. Gure taldeak (Kolore Bixi), Gure hiriaren inguruko unitate didaktikoa sortzea erabaki genuen. Hau burutu ahal izateko, taldeka, ikastetxe bateko haur talde bat hartu, eta unitate didaktiko bat sortu behar genuen, metodologia, jarduerak, ebaluazioa... planifikatuz. Azkenik, Unitate Diaktiko hau osatu ahal izateko, HEZIBERRItik zenbait kontzeptu lortu behar izan genituen: konpetentziak eta helburuak, besteak beste.

Azken sarrera hoenkin, nire blogari bukaera ematen diot. Honen helburua, kurtso osoan zehar landu ditugun kontzeptu ezberdinak zuei laburbiltzea zen eta. Beraz, besterik gabe eskerrik asko zuen arretagatik eta beste bat arte!

UNITATE DIDAKTIKOA -GURE HIRIA-

Arratsalde on! Duela denboratxo bat Didaktika Orokorreko saioan, taldeka, Unitate Didaktiko bat sortzea proposatu ziguten, eta beraz, horrekin natorkizue. Gure taldean (Kolore Bixi), gure hiria gaia aukeratu genuen, gai hau haurrekin lantzeko oso interesgarria zela iruditzen baizitzaigun, Berazm Donostiako Zurriola Ikastolako bost urteko haur talde bat hartu genuen, eta hauei egokitutako Unitate Didaktikoa sortu genuen.

Bestetik, sortutako Unitate Didaktiko hau gure ikaskideekin partekatu eta beraien iritziak entzun ahal izateko Power Pointa sortu genuen.

METODOLOGIA EZBERDINAK

Kaixo neska mutilok!

Gaurkoan hiru metodologia ezberdin azaltzea tokatzen zaigu: Tailerrak, Proiektuetan Oinarritutako Metodologia eta Decroly. Metodologia bakoitzean honako puntu hauek aztertuko ditugu: irakaslearen rola, ikaslearen rola, gurasoen rola, denboraren antolakuntza, espazioaren antolakuntza, ebaluazioa eta helburuak.

TAILERRAK 4-5 URTEKOENTZAT

• Irakaslearen rola: ez du klasea zuzentzen, eta irakasleak laguntzaile bat dauka.

• Ikaslearen rola: hasieran lan indibiduala, gero bateratze lana eta azkenik beriak egin duten lana azaltzen die ikaskide guztiei.

• Gurasoen rola: ez du aipatzen

• Denboraren antolakuntza: 45 minutu ( beti ere flexibleak)

• Espazioaren antolakuntza: Gela guztian zehar

• Ebaluazioa: irakasleak haurrak erreparatzen ditu eta erregistro batean idatzi. Haurrei ebaluaketa zuzen bat egiteko orri batean bakoitzaren izena, erabilitako materiala, estrategiaren azalpena eta egindako komentarioen zutabeak bereizten dira. Tailerraren ebaluaketarako aldiz, ipuina eta arazoa ea egokiak ziren ebaluatu behar dira

• Helburuak: arazo matematikoen aurrean soluzio bat bulatzea,nahi duten materiala erabiliz

TAILERRAK 4-5, 5-6 URTEKO UMEEKIN

• Irakaslearen rola: Irakasle bakarra dago, honek ematen dio hasiera klaseari arazo bat planteatuz eta hortik aurrera ez du klasea zuzentzen, soilik behatzailea da. Ume batek arazoren bat izatekotan pixka bat laguntzen dio, umea berriro kokatzeko.

• Ikaslearen rola: Gehienetan indibidualki egiten dute lan, baina badaude ume batzuk batzuetan taldetan elkartzen direnak. Klase amaieran, denen aurrean azaltzen dute nola iritsi diren arazoaren emaitzara.

• Gurasoen rola: ez du aipatzen,

• Denboraren antolakuntza: ez du aipatzen.

• Espazioaren antolakuntza: Gela osoa erabiltzen dute baina badago gelan txoko zehatz bat lana egiteko.

• Ebaluazioa: Umeak erabilitako orriak jasotzen dira, argazkiak egiten dituzte, bideoak grabatzen dituzte, konbertsazioak grabatzen dituzte, ume bakoitzaren erregistro-orriak jasotzen dituzte eta saioa egiten duten bitartean irakasleak apunteak hartzen ditu.

• Helburuak: arazo matematikoei soluzio bat bilatzea, nahi duten materiala erabiliz. Horrez gain, arrazonamendua, komunikazioa, argudiaketa eta azalpena nola eman garatzen dituzte.

PROIEKTUEN METODOA

•  Irakaslearen rola

Proiektua aurrera eramateko, irakaslea etengabeko kontaktuan egongo da gurasoekin, hauen laguntza beharrezkoa izango baita proiektua ondo burutzeko. Haurrek aldez aurretik dituzten ideien inguruko ikerketa egingo dute, eta gainera, ikasle bakoitzak izango dituen karpetak prestatuko dituzte. Aipagarria da ere, edozein momentutan, haurrak proiektua burutzean, aurki dezakeen edozein arazori aurre egiten laguntzeko egon beharko dela. Bestetik, proiektua aurrera eramaten diren heinean, agertzen diren hitz “teknikoak” lantzeko ere aprobetxatuko dute.

• Ikaslearen rola: Norberak bere liburuxka osatzea denez azken helburua, norberak bere lana egin beharko du. Baina ondoren, beste gelakideekin egindako lana partekatzea garrantzitsua izango da ere.

• Gurasoen rola: Lehenago aipatu bezala, gurasoen laguntza beharrezkoa izango da proiektua burutzerako orduan, haurrak erantzun ezin ditzakeen ideiak erantzuteko laguntza beharko baitugu.

• Denboraren antolakuntza: Ez du aipatzen

• Espazioaren antolakuntza: Ikasle bakoitzak bere karpetatxoa izango duenez, bertan joango dira beraien liburuxka osatzeko behar izango duten informazioa sartzen. Baina bestetik, ikasleak ikasgelara ekarriko duen informazio gehigarria jartzeko txoko bat osatzen joango dira guztein artean, eta bertan etxetik ekarritako edozein liburu, entziklopedia edo informazio jartzen joango dira.

• Ebaluazioa: Lehen ebaluazio gisa, albuma bera osatzea hartuko dute. Ondoren, ondokoak aztertuko dituzte (eskola eta familia)modu honetan: haur guztiek galdera guztien erantzunak ekarri ore dituzten eta kontakizunak garaiz ekarri dituzten, inor prozesutik kanpo gera ez dadin.

Azkenik, tutoreak honako hiru puntu nagusi hauek aztertu beharko ditu: lehenik eta behin, prozesuan zehar sortu diren eskaera, informazio etasentimenduei erantzun egokia emateko gaitasuna izan duen; ondoren, zailtasun-maila anitzak behar bezala mailakatu dituen, prozesua trabatuta geratu den edota arin eta arazorik gabe garatu oten den; eta azkenik, haur bkoitzak maila kontzeptualen edota lanerako lanabes diren irakurketa eta idazketaren menderakuntza-mailan lorturiko ikaskuntza zehatzak ziurtatuko ditu.

Hiru puntu hauez gain, honao ebaluazio irizpidea azpimarratzen du: ea proektua bukatu ondoren, haurren beraien buruaz gehiago dakiten eta familietako esperientzia desberdinei eta jaiotzea eta izateak osatzen duten misterio horri buruzko elkarrizketa maturaltasunez eta lasaitasunez bideratzeko gai izan diren.

• Helburuak: Lau helburu nagusi finkatu dituzte irakasleen artean:

            -  Haur bakoitzaren familia-errealitatea eta esperientziak hobeto ezagutzea

          -Taldearen bizitza aberastea, esperientzien eta familia.inguruneen aniztasuna ezagutuz eta         onartuz

       -Tutoreak gure ikasgeletako aniztasunera hurbiltzea eta aniztasun hau hobeto ulertzea, honela erantzunak ematen ikasteko

            - Familien eta eskolako jardueren arteko harreman estuagoa ezartzea

Bestetik, zenbait helburu pedagogiko ere finkatu diztuzte, besteak beste: irakurketa, idazketa, lan-tresna eta gaitasunen-lorpena, arreta eta logikarantz hurbilduko dituzten helburuak garatu nahi dituzte.

Gainera, haremanen mundua indartu nahi dute ere, balio afektiboak sakonduz.

DECROLY-REN METODOA: Interesguneak

Helburu nagusia haurrari egiten ari dena ulertzea eta bere burua neurtu dezan irakastea da.

• Irakaslearen rola: interesguneak aukeratzeko orduan bereziki egokiena da haurren beharrak zeintzuk diren jakitea eta zein egoera sozialetan mugitzen diren ikustea. Aukeratzen ditugun gaiak behar ezberdinak erantzun behar dituzte. Esaterako, bazkariak, jolasak, erosi/saldu, oporrak, familia, garraioak, herriko festak… Guzti hauek haurren behar sozial, emozional eta intelektualean lagundu dezakete. Beraz, irakasleek haurren beharrak zeintzuk diren kontuan izango du beti. Honez gain, aipatu behar da Irakaslegoa aktiboa izan behar dela, imaginazioa eta sormena izan behar ditu eta guztiaren gainetik haurrak maitatu behar ditu, horretarako etengabe formatzeko (psikologian eta zientzietan) gogoa izanaz. Horrez gain, espresatzeko gaitasuna eta ordena eta disziplinaren zentzua izan behar ditu.

• Ikaslearen rola: aktiboa izango da, parte hartze etengabea izango du. Lantzen diren gaiak beraien interesen araberakoak izaten direlako eta interes handia dutelako hortaz gehiago jakiteko. Haurren kolaborazio etengabekoaren bidez hainbat operazio eta aktibitate burutuko dituzte.
• Gurasoen rola: beharrezkoa izango da beraien parte hartzea ikasleen interesa ere etxean landu dezaten, eta beraien ekarpenak kontuan hartzeko ere.
• Metodoaren faseak:

Behaketa: haurraren esperientzi sozial, familiarra eta eskolarekin erlazioa izan behar dute.

• Zuzena: irakasleak haurren parte hartzea bultzatuko du, hau da, etxetik interesgunean landuko dutenaren gaiaren inguruak materiala eramatea (landareak, animaliak…). Irudi finkoak eratzen dituzte buruan.
• Zeharka: interesguneak azterketa egiteko aukerarik ematen ez duenean. Kasu honetan, maketak, filmak, argazkiak, planoak… erabiltzen dira.

Asoziazioa: fase honetan ikaslea iristen da landu duten gaia analizatzera, erlazionatzera eta sistematizatzera aztertu duten errealitatearekin.

• Espaziala: fase honetan ikasleari laguntzen zaio
• Egoera eta norabidea: lantzen diren objektuak lokalizatzea eta izendatzea (goran-beran, gertu-hurrun, aurrean-atzean, eskubi-ezker…).
• Forma eta tamaina: deskribapena (handia-txikia, borobila-karratua, luzea-motza, mehea-lodia…).
• Denborazkoa:
• Segida: lehen-orain, atzo-gaur-bihar, iragana-oraina-etorkizuna.
• Iraupena: asko-gutxi.
• Aldiberekotasuna: denbora berdinean gertatzen diren egoerak.

Guzti honek ikasleari lagunduko dio aurreratzen konparazio eta deskribapen zehatzagoak egiteko aukera izango du.

Erabili daitezken galderak: animaliak azkarrak edo mantsoak dira?, zenbat denbora bizi daitezke animaliak?...

• Kausazkoa: haurren interesa pizteko honelako galderak egin ditzazkegu, zer egiten dute animali hauek? Zergatik?, Zer da gehien interesatzen zaizuna? Zergatik?..., Zer?, Nola?

• Erabilera eta lana: lantzen diren elementuen erabilpena zein den ezagutzea, gizaki eta baliabide artean dagoen erlazioa zein den ohartzea. Egin daitezken galderak. honako hauen izango ziren: zeinek zaintzen ditu animaliak?, nola egiten dute?, zer behar dute?, animaliek laguntzen al dute gizakiari?...
• Etikoak,moralak eta sozialak: jarrera pertsonal eta sozialetan sakontzen laguntzea, arauen beharra… Nola tratatzen ditugu eta nola tratatu behar ditugu?

Espresioa: linguistikoa, matematikoa, gorputzekoa, plastikoa eta musikala. Haurraren pentsamendua bultzatzen duen guztia ulertzen du, aurrera egin behar da espresio bideetan.

• Espazioa eta denboraren antolakuntza:
• Hamabost urte bitarteko eskolak eremu natural batetan kokatuta egon behar du, haurrek ingurunearekin harremana izan dezaten.Eskolak ikasle kopuru mugatua  izan mugatua izan behar du eta komenigarria da sexu eta adin desberdinetako haurrak egotea.
• Ikasgeleek laborategi edota tailer txikiko egitura izan behar dute, ez auditorio modukoa.
• Zailtasunak dituzten haurrak beste ikasgela berezi batean taldekatu behar dira, non irakasle aditu batek aurreratzen lagunduko dien.
• Hizkuntzaren teknikak eta kalkuloa goizez landuko dira eta hauek jolasen bidez landuko dira. Goizeko beste orduetan haurrek beste hainbat ariketa burutuko dituzte: obserbazioa, konparazioa, asoziazioa, marrazketa eta eskulanak, kantua, jolasak…  Irakasleak haurren interesen arabera jokatuko du.
• Arratsaldeetan eskulanak eta atzerriko hizkuntzak landuko dira, eta hainbat goizetan bisitak eta txangoak egingo dira.

        Haurrari egiten ari dena ulertzea eta bere burua neurtu dezan irakastea da helburua.

• Ebaluazioa: ez du aipatzen.

TXOKOETAN OINARRITUTAKO IKASKUNTZAK

Arratsaldeon! Gaurkoan, martxoak 11an, ostiralean, landu genuen gai baten inguruan natorkizue hitz egitera;  txokoetan oinarritutako metodologiaren inguruan, hain zuzen. Horretarako, aurreko saioan bezalaxe, binaka edo hirunaka jarri ginen  Aingeruk eta Begoñak eman zizkiguten zenbait galdera erantzuteko:

-          Zer dakizu txokoetan oinarritutako metodologiaz?

-          Zer falta zaizu ikasteko?

-          Zeintzuk dira atera dituzun ideia edo ikaskuntza nagusiak?

Galdera hauez gain, orain arte landu ditugun bi metodologien inguruko konparaketa txiki bat egin genuen, zenbait faktore kontutan izanik.

Gehiegi luzatu gabe, lehenengo galderarekin hasiko naiz. Gure ustez,txokoetan, espazioa, arlo edo interesgune ezberdinen arabera antolatzen dira. Eta horretarako modu ezberdinak daudela uste dugu; alde batetik, librea, bakoitzak nahi duen txokora joateko aukera duenean; edo taldean, denboraren arabera aldatuz.

Bigarren galderari dagokionez, honako faktore hauek aipatu ditugu: irakaslearen papera zein izan behar den, metodologia ezberdinak eta zeintzuk izan daitezkeen lantzeko gai egoki eta interesgarriak. Bestetik, espazioaren erabilera eta taldekatze egokiak zeintzuk diren ere jakitea beharrezkoa iruditzen zaigu

Azkenik, hirugarren galderari dagokionez, esan beharra dago, asko direla atera ditugun ikaskuntzak. Alde batetik, espazioaren antolakuntza dago, eta gela antolatzeko bi ideia orokor aipatu dira saioan: iskin guztietan txokoak egonez, gela bakar batean; edo gela ezberdinetan, gela guztian txoko bat osatuz eta gela bakoitzean azpitxokoak osatuz.

Bestetik, taldekatzeko bi metodo bereizi ditugu: taldeak beti berdinak izaten, aldatu gabe; edo bakoitzan nahi duen lekura joanez, modu libre batean.

Gainera, zenbait txoko desberdin aipatu ditugu: etxetxoa, eraikuntza txokoa, plastika txokoa, liburutegi txokoa, mahai jolasen txokoa eta joku sinbolikoaren txokoa.

Mahai jolasak adibidez, aukera ona ematen digute haurrei arauak eta zenbait kontzeptu azaltzeko.

Eta joku sinbolikoaren txokoa adibidez, interesgarria izan daiteke gizarteko estereotipo guztiak aldatzeko, hizkuntza sexista kentzeko eta rol desberdinak lantzeko, esate baterako.

Irakaslearen egin beharrei dagokionez, haurren beharrak asetzen saiatu beharko da, eta baita behar duen arreta ematen ere. Gainera, oso ohikoa izaten da haurren artean, txokotan daudenean, haurrak txoko batean bakarrik aritzea, beraz, irakaslearen aldetik, egokia izango litzateke haur hauek beste txoko batzuetara gonbidatzea, betiko txoko berdinean ez egoteko.

Txokoetan, oso ohikoa izaten dira haurren artean elkarrizketak izatea, eta irakaslearentzat oso interesgarria izan daiteke, gelan lantzeko gaiak, haurren elkarrizketatik hartzea.

Materialari dagokionez, txokoetan, material bera erabiltzea da egokiena, eta funtzionatzen ez duen momentuan, orduantxe bakarrik, aldatzea.

Hirugarren galderarekin bukatzeko, esan dezakegu, txokoetan lor dezakegun haur bakoitzaren ebaluazioa hobea izan daitekeela, errazago ikusi baititzakegu haur bakoitzaren gabeziak eta trebetasunak.

Gaurko saioarekin bukatzeko, azken bi saioetan landu ditugun bi metodologiak, hau da, proiektuetan oinarritutako metodologiak eta txokoetan oinarritutako metodologiak alderatu ditugu, faktore berdinak alderatuz.

PROIEKTUETAN OINARRITUTAKO METODOLOGIA:

MAISU/MAISTRAREN EGINKIZUNA: Haurrak →   Gidatu, bideratu eta hauen interesez ohartu

IKASLEEN PAPERA → sortzailea, aktiboa, parte hartzailea

ESPAZIOA → ikasgela eta beharren araberakoa izango da

DENBORA → malgua eta programatua (arloka)

MATERIALA → proiektuaren araberakoa

IKASLEEN TALDEKATZEAK → proiektuaren eta horren momentuaren araberakoa

JADUERAK → haurren interesak definitzen dituzte

TXOKETAN OINARRITUTAKO METODOLOGIA:

MAISU MAISTRAREN EGINKIZUNA: Haurrak  → Behatu, lagundu eta esku hartu (behar denean)

IKASLEEN PAPERA → aktiboa eta interes edo zaletasunen arabera mugitzen dira

ESPAZIOA → txokotan: gela ezberdinetan, gela berean …

DENBORA → gehienez bi ordu: txoko bakoitzean

MATERIALA → txokoan landu behar denaren araberako

IKASLEEN TALDEKATZEAK → Talde nahiko txikiak izan ohi dira (5-8 haur bitartekoak)

JARDUERAK → Landu nahi denaren araberako

Hau izan da azken saioan landu genuen guztia, laister arte!

PROIEKTUETAN OINARRITUTAKO IKASKUNTZAK

Kaixo guztioi! Gaurkoa, martxoan 7an landu genuen metodologia baten inguruan natorkizue hitz egitera, proiektuetan oinarritutako metodologiari buruz, hain zuzen. Metodologia honek bere izenak dioen bezala, proiektuen bitartez burutzen dituzten ikaskuntzak dira, eta hauek hobeto ulertzeko Aingeruk eta Begoñak Bergarako Herri Eskolako bi proiektu erakutsi zizkiguten. 

Lehenengo proiektua egutegi bat egitean zetzan. Urtero-urtero eskola horretako haurrek egutegi batean parte hartzen zuten, baina urte batean arazoren bat izan homen zuten, eta horren ondorioz, ezin izan zuten urteroko egutegia aurrera eraman. Hau kontuan izanda, irakasle bati bururatu zitzaiona honako hau izan zen: haurrek beraiek sorturiko egutegi bat izatea. Horretarako haur guztiek beraien proposamenak plazaratu zituzten ikaskide guztien aurreran, eta guztien aurrean erabaki zuten nolakoa izango zen beraien egutegia.

Bigarren proiektua berriz, futbolean oinarritutako proiektua izan zen, haurren artean oso gai ohikoa baitzen. Beraz, beraien interes hori aprobetxatu zuten futbolaren inguruko ezagutza zabaltzeko. Hori landu ahal izateko, honako jarduera hauek burutu zituzten: futbolaren inguruan ezagutzen zituzten kontzeptuen hiztegia; kamisetetan zenbakiak jarri zituzten, eta hala, zenbakiak ikasteko erabili zuten jarduera hau; patiora atera ziren futbol zelaiak zenbat neurtzen duen ikusi, eta era berean, neurriak ikasteko; eta azkenik, athleticen jokatzen duen futbolari bat joan zitzailen, baina mutila izan beharrean, Vanesa  Gimbert joan zen, neskak ere futbolariak izan daitezkeela ikusteko.

Bestetik, gaurko saioan, honako galdera hauek erantzuten ibili ginen binaka edo hirunaka:

-         -  Zer dakizu proiektuan oinarritutako ikaskuntzaz?

-          - Zer falta zaizu ikasteko?

-          - Zeintzuk dira atera dituzun ideia edo ikaskuntza nagusiak?

Lehenengo galderari dagokionez, zenbait ideia atera genituen nire gelakideak eta nik.  Hasteko, gai bat aukeratu behar da, eta aukeratutako hori, arlo desberdinetan landu behar da, haurren interesekoa delarik, eta nola ez haurrei egokitua. Proiektuen bitartez, zenbait gauza landu ditzakegu: matematika, musika, plastika, gorputz adierazpena...

Gainera, uste dugu ez dela zertan irakasleak aukeratutako gai bat izan behar, hau da, haurrek beraien artean hitz egindako gairen bat izan daiteke. Metodologiari dagokionez, askotarikoa izan daitekeela uste dugu eta hau aurrera eramateko behar izango diren ordu kopuruak ere flexibleak izan beharko liratekeela uste dugu, gaia lantzerako orduan askatasun gehiago izateko. Materiala ere kontutan hartu beharreko zerbait dela uste dugu, hau guztiz baliagarri izan behar dela uste dugu, eta nola ez, berrerabilia.

Azkenik, ikasleez gain, irakasleek eta gurasoek ere paper garrantzitsu bat betetzen dute proiektu bat aurrera eramateko. Irakasleen kasuan adibidez, haurren laguntzaileak, ekintzen dinamizatzaileak eta gidariak izan daitezke; horretarako, haurrak behatu, baliabideak eskaini eta koordinazio bat lortu beharko du.

Bigarren galderari dagokionez, proiektu egokia zein den aukeratzea lan zaila iruditzen zaigu, baita proiektua burutu ahal izateko metodologia ezberdinak eta aproposak zeintzuk diren jakitea, teorian askotan esan baitigute, baina praktikan ez dugu inoiz egiteko aukerarik izan eta. Bestetik, haurren artean talde lana sustatu nahi izan ezkero, talde lan hori nola lortu genezakeen jakitea gustatuko litzaiguke, eta nola egin genezake, haurrentzat, burutzen ari garen proiektua baliagarri izatea.

Bukatzeko, hirugarren galderari dagokionez, aurretik idatzi dugun guztiaz gain, konturatu gara, proiektuaren hasieratik finkatzen dutela guztien artean amaierako helburua zein izango den.

Hau izan da gaurko guztia, eskerrik asko irakurtzeagatik!

CURRICULUMAREN ZEHAZTAPEN MAILAK 1

Kaixo guztioi! Gaurkoan, otsailaren 19an, ostiralean, Didaktika Orokorrean landu genuen gai baten inguruan nator hitz egitera, Curriculum Zehaztapen Maila desberdinen eta bere osagaien inguruan, hain zuzen. Beraz, hamentxe lagatzen dizuet, gelan, guztion artean bete genuen taula:

GLOBALIZAZIOA ETA IKASKUNTZA ESANGURATSUAK

Arratsaldeon guztioi! Gaurkoan otsailak 26an klasean egin genituen aurkezpenei buruz hitz egingo dizuegu, gai nagusiak Globalizazioa eta Ikaskuntza Esangurtsuak direlarik. Horretarako talde desberdinetan antolatu ginen, bakoitzak gai bat jorratuz.

GLOBALIZAZIOA

Globalizazioa hezkuntzan haurrei trasmititzen zaizkien edukiak errealitaterako erabilgarriak izan daitezen metodo espezifiko batzuk erabiltzea izango litzateke.

Globalizazioaren barruan, hiru ikasketa metodo aurki genitzake: interesgunea, proiektua eta ingurugiroaren ikerketa.

Interesguneak azaltzeko frutak ezagutzearen adibidea erabili genuen gure aurkezpenean. Esan beharra dago hiru fasetan banatzen dela metodologia hau. Lehenengoa helburuak kontuan hartzea da. Bigarrenik, haurrak nola motibatu eta lekua nola girotu aztertzea izango litzateke. Lekua antolatzea eta girotzea garrantzitsua da, adin horretako haurrek leku ezagunak eta zabalak behar dituzte. Jarduerak ikasgelan edo eskolako beste hainbat lekutan egin daitezke.Azkenik, aldez aurretik zenbait jarduera prestatuta edukitzea komeni da, esaterako: fruten zuzeneko azterketa, zeharkako azterketa eta esperimentatzea. Bukatzeko, esan genezake, metodologia hau, hemezortzi hilabeteko haurrekin burutzen has gaitezkela.

Proiektuak azaltzeko baratza bat egitea proposatu genuen. Hau burutu ahal izateko, lau pausu bete beharko ditugu. Lehenik eta behin, proiektua burutzeko gure asmoa zein den jakitea izango zen. Ondoren, prestakuntzarekin hasi beharko ginateke. Gero, proiektua burutzen hasiko gara. Eta azkenik, aurrera eraman dugun proiektuaren ebaluazioa egin beharko genuke.

Ingurugiroaren ikerketa deritzon proiektuaren helburua ikasleen intereseko gaien inguruan arazoak eta galderak planteatzea eta irtenbidea ematea da eurek egindako ikerketaren bidez. Ikerketaren faseak motibazioa, galderen planteamendua, hipotesiak, informazio iturriak ezartzea, informazioa bilatzea, datuak aukeratu eta antolatzea, ondorioak ateratzea, generalizazioa eta ondorioen adierazpena eta komunikazioa dira.

Aipaturiko metodo hauek helburu jakin batzuk dituzte, eta nagusiak hauek lirateke:

• Hezkuntza bizitzarako eta bizitzatik izatea
• Ikasteak baliogarriak izatea
• Etorkizuneko hiritarrak heztea

Metodo globalizatzaile hauek, oro har, hainbat ezaugarri komun dauzkate, eta guk klasean modu dinamiko batetan azaldu genituen, hainbat kartel arbelean itsatsiaz euren garrantziaren arabera mailaketa bat eginez.

Ezaugarri nagusiak aipatuko ditugu jarraian.

1. Ikasitakoaren eta ikasitako kontzeptu berrien arteko harremanak ezartzea
2. Ikasitakoa esanguratsua eta erabilgarria izatea.
3. Burua erabiltzea.
4. Denbora antolatzea
5. Jarrera positiboa izatea
6. Asteko denbora antolatzea
7. Aniztasuna tratatzea
8. Ebaluaketa
9. Metodo eta ikuspegi globalizatzaileak

IKASKUNTZA ESANGURATSUAK

Honi buruz hitz egiterako orduan, Ausubel eta bere ideiei buruz jardungo dugu.  Ausubelen ustez, ikasleek ezagutza berriak jaso eta jada badituzten ezagutzekin konparatzen dituzte, honela, jakintza horiek egonkortu edo aldatzeko.

Bertan bi ikaskuntza mota bereiz ditzakegu:   ikaskuntza esanguratsu superordenatua da, hau da, ikasleek ezagutza zaharrak beharrezkoak dituztenean berriak barneratzeko.  Bestea aldiz, subordinatua, hau da, ezagutza zahar eta berriak elkartzea ideia berri batzuk sortzeko.

Antolakuntza eta erabilerari buruz, ikaskuntza hauek egunerokotasun batean erabili eta bizi osoan zehar ikasi behar direla.  Honela, ezagutza hauek edozein momentutan berreskuratu ahal izateko.

Hau guztia bete ahal izateko, bi baldintza bete behar dira: ikasketarako materiala esanguratxua izatea eta ikasleak ikasteko jarrera izatea. Guzti honek egitura kognitiboarekin zerikusia duela azpimarratu beharra dago.

Ausubelek Ikaskuntza Esanguratsua lantzeko hainbat era azaltzen ditu, besteak beste:

-Subordinatu era: ikasleak lehen mailako ezagutza duenean, irakasleak bigarren mailakoa irakastea.

-Superordenatu era: subordinatuaren aurkako kontzeptua.

-Konbinatzailea era: ikasleei maila bereko kontzeptuak irakastea.

-Errepresentatzailea: ikaskuntza hitzezkoa eta sinbolikoa izatea haurra egozentrismoaren etapan dagoenean.

-Kontzeptuala: haurra egozentrismo etapatik irten ostean, ikaskuntza hitzezkoa eta kontzeptuala izatea.

-Proposizionala: kognitibo maila altuagoa duenean, proposizio bidezko ikaskuntzak eskaintzea irakasleak.

Eskolaren antolamentuari dagokionez, esan beharra dago ez dagoela ikaslearen aurretiko ezagutzak kontuan hartzeko bideratua. Bertan Curriculumeko edukiak irakatsi behar dira, hauek ideia orokorrak identifikatzen laguntzeko.

Amaitzeko, teoria hauek irakaskuntza arloarekin zer-nolako lotura duen azalduko dugu. Ikasleei dagokienez, aktiboa izan behar du momentuoro eta honek, irakasleak azaldutakoa ulertu duela erakutsi. Honela ez izanez gero, irakasleak berriro azaldu beharko die ikasleei beraiek uler dezaten. Behin horrela izanik, ikasleak erakutsi dezake ulertu duela ideia eta hau izango da benetako ikaskuntza. Beraz, ahozko hizkuntza oso garrantzitsua eta funtsezko da Ikaskuntza Esanguratsua erraztu eta burutzerako orduan.

Besterik gabe, honekin bukatzen dugu gaurko lanketa.